I sing so wie mei Mama red, im Dialekt, dass mi versteht
Des hob i glernt, mehr ko i nid, mehr brauch i nid zum Lebn
Des hod wos zdoa mit Ehrlichkeit, wer von de Leit ko scho Englisch gscheid
A poa Akkorde und Wohrheit, mehr ko i eich nid gebn
Nur weil i nid gscheid Gitar spün ko, hoaßts nid, dass i nid deaf
I hob mas meiste söwa glernt
Da Rhythmus is a bissl hoiprig, die Melodie is gstoin
Owa auf des scheiß i gern
I brauch koan Bass, koa Drummachine, koan Backgroundchor, koa Partnerin
Ois wos i brauch, hob i in meina Hond, und des is mei Gitar
I sing nid guad, owa des wissts eh, i bin nid berühmt, nid reich, nid schee
I bin näher dro an der Realität, weil Perfektion is fad
Chorus
I mecht tonzn, ois dat mi goa neamb seng
Und singa, ois dats neamb störn
I mecht mochn, wos i wü, und nur sogn, wos i ma denk
Nur oamoi mecht i ehrlich sei mit ench
Owa gonz so oafoch is des nid, a wonns so oafoch klingt
Owa i vasuachs, i gib mei Bests
Weil ma mocht si nid nur guade Freind, wenn ma ausspricht, wos ma denkt
Und die Wichser lochen zletzt
Wüde Zeiten brauchn wüde Hund, i bin nua a Bua, owa i lern dazua
Mei Zeit wird kemma und davua, gib i sicha nid a Ruah
Jo i hau in meine Saiten nei, i schrei so laut i ko
Wenn’s kemman und mi stoppen woin, laf i sicha nid davo
Oiso kämpf i für a bessre Wöd, wo is Göd nid so vü zöd
Wo ma ehrlich sei ko zu sich selbst und einonder respektiert
Chorus
Auf da Stroßn werd i geh, zu Schande oder Ruhm
Die Zeit wird’s zoagn, mia weans scho seng
Mir is des wirklich scheißegal, am End bleibt ma nix davo
Außer a poa Zeilen, de auf meim Grobstoa stehng
I sing so wie mei Mama red, im Dialekt, dass mi versteht
Des hob i glernt, mehr ko i nid, mehr brauch i nid zum Lebn
The new EP from Steve Gunn pairs the guitarist with Mdou Moctar, Circuit des Yeux, Bing & Ruth, and more for five evocative songs. Bandcamp New & Notable Feb 7, 2022
Recorded live at St Buryan Church, the latest from Sarah McQuaid is a showcase for the simple power of voice & guitar. Bandcamp New & Notable Oct 16, 2021
Alec Bowman perfectly captures the dark soil under the pastoral world of British folk with this collection of melancholy originals. Bandcamp New & Notable May 12, 2020